بسم الله الرحمن الرحيم
النهارده
اول ايام رمضان لسنة 1431 هجري
هاصوم ان شاء الله بعد شويه كده بعد تقريبا ثلث ساعه ... ربنا يقدرنا
من شويه خبطة في دماغي فكره حلوه اني اكتب يومياتي او مذكرات اتذكرها بعد 10 او 20 سنه اذا ربنا ادانا العمر يمكن انسى الايام اللي انا فيها دلوقتي بعد 20 سنه وقلت هتكون حاجه حلوه وذكريات جميله وانا اللي كاتبها لنفسي ولأولادي بإذن الله
انا الصيف ده من اصعب ايام حياتي لاني ارهقت نفسي جدا في اكتر من شغلانه واحيانا كان فيه اكتر من حاجه بتتعمل في نفس الوقت بس والحمدلله ربنا قدرني على انجاز حاجات كتير وعقبال البقيه
انا ان شاء الله هانام بعد صلاة الفجر علشان اصحى بعد 3 ساعات هاروح السنترال علشان عندي تدريب رخم هناك وبعدين هاروح فاقوس علشان افطر مع العيلة مش افطر لوحدي يعني وربنا يقدرنا على الصيام في الحر ده
وكويس اننا لغينا الكورس النهارده لغاية ما نتعود على الصيام في الحر ده يومين كده
واسيبكم دلوقتي علشان عايز اقوم اشرب قبل الفجر ما يأذن
تصبحوا على خير وكل سنة وانتم طيبين
م. محمد حسن
